തിരുവനന്തപുരം: സിപിഐ സംസ്ഥാന സമിതി യോഗം ഇന്ന് ചേരും. തെരഞ്ഞെടുപ്പ് അവലോകന റിപ്പോര്‍ട്ട് സംസ്ഥാന കൗണ്‍സില്‍ പരിഗണിക്കും. കേരള പൊലീസില്‍ ആര്‍എസ്‌എസ്‌ ഗ്യാങ് ഉണ്ടെന്ന ആനി രാജയുടെ വിവാദ പരാമര്‍ശത്തിന് പിന്തുണ നല്‍കി ജനറല്‍ സെക്രട്ടറി ഡി രാജ നടത്തിയ പ്രതികരണം ഇന്നത്തെ കൗണ്‍സില്‍ യോഗം ചര്‍ച്ച ചെയ്യും.
ഡി രാജയുടെ പരാമര്‍ശത്തില്‍ അതൃപ്‌തി അറിയിക്കാന്‍ സംസ്ഥാന എക്‌സിക്യൂട്ടീവ് തീരുമാനിച്ചിരുന്നു. ഇക്കാര്യം ഇന്നത്തെ കൗണ്‍സിലില്‍ റിപ്പോര്‍ട്ട് ചെയ്യും. കൗണ്‍സിലില്‍ വിശദമായ ചര്‍ച്ചകള്‍ക്ക് ശേഷമാകും അന്തിമ തീരുമാനമുണ്ടാകുക. നിയമസഭ തെരഞ്ഞെടുപ്പ് അവലോകന റിപ്പോര്‍ട്ടിനും ഇന്നത്തെ യോഗം അന്തിമ രൂപം നല്‍കും.