വിദ്യാര്‍ഥികള്‍ക്കെതിരെ യുഎപിഎ; അന്വേഷിക്കുമെന്ന് സിപിഐ

കരിനിയമങ്ങൾക്കെതിരായ ഇടതുപാർട്ടികളുടെ നിലപാടിൽ മാറ്റം വന്നിട്ടില്ലെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന്‍.

തിരുവനന്തപുരം: മാവോയിസ്റ്റ് വേട്ടയില്‍ പ്രതിഷേധിച്ച് ലഘുലേഖ കൈവശം വച്ചതിന് കോഴിക്കോട് രണ്ട് വിദ്യാർഥികൾക്കെതിരെ യുഎപിഎ ചുമത്തിയതിനെതിരെ സിപിഐ. യുഎപിഎ കരിനിയമമാണെന്നും കരിനിയമങ്ങൾക്കെതിരായ ഇടതുപാർട്ടികളുടെ നിലപാടിൽ മാറ്റം വന്നിട്ടില്ലെന്നും സിപിഐ സംസ്ഥാന സെക്രട്ടറി കാനം രാജേന്ദ്രന്‍ പറഞ്ഞു. സംഭവത്തെക്കുറിച്ച് വിശദമായി അന്വേഷിക്കുമെന്നും കാനം വ്യക്തമാക്കി.