തിരുവനന്തപുരം: തലസ്ഥാന ജില്ലയില്‍ അടുത്ത മൂന്നാഴ്ച കൊവിഡ് വൻതോതിൽ കൂടാൻ സാധ്യതയെന്ന് ജില്ലാ കലക്ടർ നവജോത് ഖോസ. 12,000 പേരാണ് ജില്ലയില്‍ കൊവിഡ് ബാധിതരായി ചികിത്സയിലുള്ളത്. ഇതില്‍ 95 ശതമാനം പേര്‍ക്കും സമ്പര്‍ക്കത്തിലൂടെയാണ് രോഗം ബാധിച്ചിരിക്കുന്നത്. രോഗികളിൽ 15 ശതമാനത്തിന് മാത്രമാണ് രോഗലക്ഷണമുള്ളത് എന്ന വസ്‌തുത ജാഗ്രത ശക്തമാക്കണമെന്ന മുന്നറിയിപ്പാണ്. കൊവിഡ് വ്യാപനം കുറയ്‌ക്കാൻ പത്ത് ദിവസത്തെ ആക്ഷൻ പ്ലാൻ കൊണ്ടാകുമെന്നും കലക്‌ടര്‍ പറഞ്ഞു.
തിരുവനന്തപുരത്ത് കൊവിഡ് കണക്ക് കുതിച്ചുയരുമെന്ന് മുന്നറിയിപ്പ്