തിരുവനന്തപുരം: വെങ്ങാനൂർ കല്ലുവെട്ടാൻകുഴി തുംബ്ലിയോട് തമ്പുരാൻ റോഡിൻ്റെ പാർശ്വഭിത്തി തകർന്ന് കല്ലും മണ്ണും ഉള്‍പ്പെടെ സമീപത്തെ വീട്ടുമുറ്റത്ത് പതിച്ചു. ആളപായമില്ല. ശക്തമായ മഴയെ തുടർന്നാണ് റോഡിൻ്റെ വശത്തുള്ള കരിങ്കൽക്കെട്ട് ഇടിഞ്ഞു വീണത്.
വെങ്ങാനൂർ സ്വദേശി അഷ്റഫിൻ്റെ വാടക വീടിന് മുൻവശത്തേക്കാണ് റോഡിന്‍റെ ഒരു ഭാഗം ഇടിഞ്ഞു വീണത്. വീടിന് മുൻവശത്തെ കിണറിനകത്തേക്കും കല്ലും മണ്ണും വീണു. സംഭവ സമയം അഷ്റഫും കുടുംബവും വീട്ടിലുണ്ടായിരുന്നു. മുൻവശത്ത് നിൽക്കുകയായിരുന്ന ഇവർ റോഡ് ഇടിഞ്ഞു വരുന്നത് കണ്ട് പിന്നിലേക്ക് മാറിയതിനാൽ അപകടം ഒഴിവായി.
റോഡിന്‍റെ പാര്‍ശ്വഭിത്തി ഇടിഞ്ഞു വീണു; വീടിന് നാശനഷ്‌ടം