തിരുവനന്തപുരം:തിരുവനന്തപുരം നഗരസഭയിലെ കെട്ടിട നമ്പർ തട്ടിപ്പ് കേസിലെ യഥാർത്ഥ പ്രതികളെ ഭരണസമിതി സംരക്ഷിക്കുന്നുവെന്ന് ആരോപിച്ച് ബിജെപി കൗൺസിലർമാർ പ്രതിഷേധിച്ചു. 'ഇടതുപക്ഷ യൂണിയനിൽ അംഗങ്ങളായ ഉദ്യോഗസ്ഥരാണ് തട്ടിപ്പു നടത്തിയത്. എന്നാൽ കേസിൽ പ്രതിയാക്കിയിരിക്കുന്നത് താത്കാലിക ജീവനക്കാരെയാണെന്ന് ബിജെപി ആരോപിച്ചു'.
കെട്ടിട നമ്പർ ക്രമക്കേട്; പ്രതികളെ ഭരണസമിതി സംരക്ഷിക്കുന്നു, പ്രതിഷേധം ശക്തമാക്കി ബിജെപി
യഥാർത്ഥ പ്രതികളെ നിയമത്തിനു മുന്നിൽ കൊണ്ടുവരണമെന്നാണ് ബിജെപിയുടെ ആവശ്യം. മേയർ ഉൾപ്പെടെ തട്ടിപ്പിന് ഒത്താശ ചെയ്യുകയാണ്. തട്ടിപ്പ് നടന്ന ദിവസം സിസിടിവി ക്യാമറകൾ പ്രവർത്തിച്ചില്ലെന്നു പറഞ്ഞാൽ അംഗീകരിക്കാനാകില്ലെന്നും ബിജെപി ചൂണ്ടിക്കാട്ടി.