തിരുവനന്തപുരം :നടൻ മോഹൻലാലിന് വേണ്ടി പണിത11 മുഖമുള്ള വിശ്വരൂപ ശില്‍പം പൂര്‍ത്തിയായി. ചൂതാട്ടവും ഗീതോപദേശവും മുതൽ ധർമ്മപുത്രരുടെ സ്വർഗാരോഹണം വരെ മഹാഭാരതത്തിലെ പ്രധാനപ്പെട്ട രംഗങ്ങളെല്ലാം കൂറ്റൻ വിശ്വരൂപ ശില്‍പത്തിലുണ്ട്. 12 അടി ഉയരമുള്ള വിശ്വരൂപ ശില്‍പം മോഹൻലാലിൻ്റെ ചെന്നൈയിലെ വസതിയിലേക്ക് ഉടന്‍ എത്തിക്കും.
വെള്ളാര്‍ നാഗപ്പൻ്റെ നേതൃത്വത്തിൽ സഹ ശില്‍പികളായ സോമൻ, ഭാഗ്യരാജ്, വിജയൻ, രാധാകൃഷ്‌ണന്‍, സജു, ശിവാനന്ദൻ, കുമാർ, നന്ദൻ, രാമചന്ദ്രൻ എന്നിവർ ചേർന്നാണ് ശില്‍പം പണിതത്. വർഷങ്ങൾക്ക് മുൻപ് നാഗപ്പൻ മോഹൻലാലിന് ആറടി ഉയരമുള്ള വിശ്വരൂപ ശില്‍പം സമ്മാനിച്ചിരുന്നു. തുടർന്ന് വലിയ ശില്‍പം നിർമിച്ച് നൽകണമെന്ന് മോഹന്‍ലാല്‍ ആവശ്യപ്പെടുകയായിരുന്നു.
നടൻ മോഹൻലാലിന് വേണ്ടി പണിത 11 തലയുള്ള വിശ്വരൂപ ശില്‍പം