പാലക്കാട്: വാളയാർ മോട്ടോർ വാഹന ചെക്ക്പോസ്റ്റിൽ വിജിലൻസ് നടത്തിയ മിന്നൽ പരിശോധനയിൽ 67,000 രൂപ പിടികൂടി. പാലക്കാട് നിന്നുള്ള വിജിലൻസ് സംഘമാണ് പരിശോധന നടത്തിയത്. ലോറിക്കാരുടെ വേഷത്തിലാണ് വിജിലൻസ് സംഘം പരിശോധനയ്ക്ക് എത്തിയത്.
സംഭവവുമായി ബന്ധപ്പെട്ട് അഞ്ച് ഉദ്യോഗസ്ഥർക്കെതിരെ നടപടിയെടുക്കാൻ വിജിലൻസ് ശിപാർശ ചെയ്‌തു. മോട്ടോർ വെഹിക്കിൾ ഇൻസ്പെക്‌ടർ ബിനോയ്, അസിസ്റ്റന്‍റ് മോട്ടോർ വെഹിക്കിൾ ഇൻസ്പെക്‌ടർമാരായ ജോർജ്, പ്രവീൺ, അനീഷ്, കൃഷ്‌ണകുമാർ എന്നിവർക്കെതിരെയാണ് നടപടിയ്ക്ക് ശിപാർശ ചെയ്‌തിട്ടുള്ളത്.
ചൊവ്വാഴ്‌ച പുലർച്ച രണ്ടു മണിയോടെയാണ് വിജിലന്‍സ് പരിശോധന നടത്തിയത്. തിങ്കൾ രാത്രി എട്ടു മുതൽ പുലർച്ചെ രണ്ട് വരെ മാത്രം 67,000 രൂപ കൈക്കൂലിയായി കൈപറ്റിയെന്ന് വിജിലൻസ് സംഘം വൃക്തമാക്കി. ഇതേസമയം സർക്കാരിന് വരുമാനമായി ലഭിച്ചത് 69,350 രൂപ മാത്രമാണ്.
പണം കൂടാതെ പച്ചക്കറി, പഴങ്ങൾ എന്നിവയും കൈക്കൂലിയായി ഉദ്യോഗസ്ഥർ കൈപ്പറ്റുന്നുണ്ടെന്ന് വിജിലൻസ് സംഘം പറയുന്നു. കൈക്കൂലിയായി ലഭിച്ച പണം വെറ്റിലയിലും മറ്റും പൊതിഞ്ഞുവച്ച നിലയിലായിരുന്നു. കഴിഞ്ഞ വർഷം മാത്രം അഞ്ച് തവണയാണ് വിജിലൻസ് സംഘം മോട്ടോർ വാഹന ചെക്ക്പോസ്റ്റിൽ പരിശോധന നടത്തിയത്. ലക്ഷങ്ങൾ പിടിച്ചെടുക്കുകയും ചെയ്‌തിരുന്നു.
പരിശോധനക്കിടെ കാട്ടിലേക്ക് ഓടി ഉദ്യോഗസ്ഥൻ