പാലക്കാട്: വാളയാർ-മണ്ണുത്തി ദേശീയപാതയിൽ ലോറിക്ക് പിറകിൽ കാറിടിച്ച് രണ്ട് പേര്‍ മരിച്ചു. തിരുച്ചിറപ്പള്ളി സ്വദേശികളായ തമിഴരശി, പ്രശാന്ത് എന്നിവരാണ് മരിച്ചത്. രണ്ടുപേർക്ക് ഗുരുതരമായി പരിക്കേറ്റു. ആറുമാസം പ്രായമുള്ള കുഞ്ഞ് യാതൊരു പരിക്കും കൂടാതെ അത്ഭുതകരമായി രക്ഷപ്പെട്ടു.
ശനിയാഴ്‌ച പുലർച്ചെ അഞ്ച് മണിയോടെയാണ് സംഭവം. ദേശീയപാതയിൽ കാടാംങ്കോട് മേൽപ്പാലത്തിന് സമീപമാണ് അപകടമുണ്ടായത്. തിരുച്ചിറപ്പള്ളിയിൽ നിന്നും ഗുരുവായൂരിലേക്ക് പോകുകയായിരുന്ന കുടുംബം സഞ്ചരിച്ച കാറാണ് അപകടത്തിൽപ്പെട്ടത്.