പാലക്കാട് അട്ടപ്പാടിയില്‍ ചന്ദനക്കടത്ത്; മൂന്ന് പേര്‍ അറസ്റ്റില്‍

ഗൂളിക്കടവ് കാരറ മലവാരത്ത് നിന്നും ചന്ദന മരം മുറിച്ച് കഷണങ്ങളാക്കി ജീപ്പിൽ കടത്തവേയാണ് സംഘം പിടിയിലായത്

പാലക്കാട്: അട്ടപ്പാടിയിൽ നിന്ന് ചന്ദനം കടത്തവേ മൂന്ന് പേര്‍ അറസ്റ്റില്‍. ഗൂളിക്കടവ് കാരറ മലവാരത്ത് നിന്നും ചന്ദന മരം മുറിച്ച് കഷണങ്ങളാക്കി ജീപ്പിൽ കടത്തവേയാണ് സംഘം പിടിയിലായത്. ഷോളയൂർ വെള്ളകുളം സ്വദേശികളായ നഞ്ചൻ(44), മുരുകൻ (27), വിഘ്നേഷ് (20) എന്നിവരാണ് അറസ്റ്റിലായത്. ഒമ്മല ഫോറസ്റ്റ് ഡെപ്യൂട്ടി റെയ്ഞ്ചർ ജയേന്ദ്രൻ, സെക്ഷൻ ഫോറസ്റ്റ് ഓഫീസർമാരായ സുനിൽ.എ.ഫിലിപ്പ്, ഷാജഹാൻ, ബിഎഫ്ഒമാരായ സുമേഷ്, അയൂബ്, ഫോറസ്റ്റ് വാച്ചർ മൂർത്തി, സണ്ണി, സന്തോഷ് എന്നിവരുടെ നേതൃത്വത്തിലാണ് ചന്ദനം പിടികൂടിയത്.