പാലക്കാട്: കേരളത്തിൽ കലാപമുണ്ടാക്കാൻ ലക്ഷ്യമിട്ട്‌ പള്ളികൾക്ക്‌ മുന്നിലൂടെ പ്രകോപനപരമായ മുദ്രാവാക്യവുമായി ആർഎസ്‌എസ്‌ പ്രകടനം. പള്ളികൾക്ക്‌ മുന്നിൽ എസ്‌ഡിപിഐ പ്രവർത്തകർ സംഘടിച്ചതോടെ സംഘർഷ സാധ്യത ഒഴിവാക്കാൻ പൊലീസ്‌ സർവസന്നാഹവുമായി നിലയുറപ്പിച്ചു. ഇതോടെ കലാപ നീക്കവും പൊളിഞ്ഞു.
ജില്ലയിൽ ബുധനാഴ്‌ച 19 കേന്ദ്രങ്ങളിലാണ് ആർഎസ്‌എസ്‌ പ്രകടനം നടത്തിയത്. പാലക്കാട് നഗരത്തിലാണ്‌ പ്രകോപനത്തിന്‌ കൂടുതൽ കോപ്പ്‌ കൂട്ടിയത്‌. പൊലീസിന് മുൻകൂട്ടി വിവരം നൽകാതെയാണ് പ്രകടനം നടത്തിയത്. പ്രകടനത്തിൽ അക്രമം നടന്നാൽ അതിന്‍റെ മറവിൽ കേരളം മുഴുവൻ കലാപം പടർത്താനായിരുന്നു ഇരു വർഗീയസംഘടനകളും തീരുമാനിച്ചതെന്നാണ് ഉയരുന്ന ആക്ഷേപം. എന്നാൽ പൊലീസ്‌ ശക്തമായി നിലയുറപ്പിച്ചതോടെ സംഘർഷം ഒഴിവായി.
ALSO READ:ആനകുത്തിയാലും അനങ്ങില്ല, കുലുങ്ങില്ല കുര്യാക്കോസ്‌
