പാലക്കാട്: ട്രെയിനിൽ കടത്തുകയായിരുന്ന 46.8 കിലോ കഞ്ചാവുമായി ഏഴ്‌ ഒഡിഷ സ്വദേശികളെ പാലക്കാട് റെയിൽവേ പൊലീസ് പിടികൂടി. സിബു മല്ലിക് (19), ദേപാതി മാജി (42), കുനാൽ മലാബി (22), മിലൻ മല്ലിക് (42), ഫിറോജ് (35), കാമില (35), റഫേൽ (35) എന്നിവരാണ്‌ പിടിയിലായത്‌.
തിരുവനന്തപുരം–ഷാലിമാർ എക്‌സ്‌പ്രസിൽ ബാഗുകളിൽ പൊതിഞ്ഞ നിലയിലായിരുന്നു കഞ്ചാവ്. കൊച്ചി, ആലുവ എന്നിവിടങ്ങളിൽ വിൽപ്പനക്കായി കൊണ്ടുവന്നതാണ് കഞ്ചാവെന്ന് പ്രതികൾ സമ്മതിച്ചു. ഒഡിഷയിലെ ഗജപത് അൻഡബ സ്വദേശികളാണ് പ്രതികള്‍.