ഒഴുക്ക് നിലച്ച് ഗായത്രിപ്പുഴ

വൃഷ്ടി പ്രദേശങ്ങളില്‍ ലഭിച്ചത് പതിനഞ്ച് മില്ലീമീറ്റര്‍ മഴ മാത്രം. ഭാരതപ്പുഴയുടെ പ്രധാന പോഷകനദി.

പാലക്കാട്: സംസ്ഥാനത്ത് മഴ തകര്‍ത്ത് പെയ്യുമ്പോഴും ഭാരതപ്പുഴയുടെ പ്രധാന പോഷകനദിയായ ഗായത്രിപ്പുഴയില്‍ ഒഴുക്ക് നിലച്ചിരിക്കുകയാണ്. പുഴയുടെ വൃഷ്ടി പ്രദേശങ്ങളായ കൊല്ലങ്ങോട്, ആലത്തൂര്‍, നെന്മാറ എന്നിവിടങ്ങളില്‍ പതിനഞ്ച് മില്ലീമീറ്റര്‍ മഴ മാത്രമാണ് ഈ വര്‍ഷം ലഭിച്ചത്. പാടൂര്‍, പഴയന്നൂര്‍, ആലത്തൂര്‍, മായന്നൂര്‍, കൊല്ലങ്ങോട് തുടങ്ങിയ പ്രദേശങ്ങളിലെ കൃഷിക്ക് ആവശ്യമായ വെള്ളം ഈ പുഴയില്‍ നിന്നാണ് ലഭിക്കുന്നത്. വരും ദിവസങ്ങളില്‍ മഴ ലഭിക്കുമെന്ന പ്രതീക്ഷയിലാണ് കര്‍ഷകര്‍.