കനത്ത പെയ്ത്ത് ഇന്നും തുടരും ; ആറ് ജില്ലകളിൽ ഓറഞ്ച് അലർട്ട്

പാലക്കാട് മുതല്‍ കാസര്‍കോട് വരെയുളള ആറ് വടക്കന്‍ ജില്ലകളില്‍ ഓറഞ്ച് അലര്‍ട്ട്

തിരുവനന്തപുരം: സംസ്ഥാനത്ത് ഇന്നും കനത്ത മഴയ്ക്ക് സാധ്യത. പാലക്കാട് മുതല്‍ കാസര്‍കോട് വരെയുളള ആറ് വടക്കന്‍ ജില്ലകളില്‍ ഓറഞ്ച് അലര്‍ട്ട് പ്രഖ്യാപിച്ചു. ആലപ്പുഴ, കോട്ടയം, എറണാകുളം, ഇടുക്കി, തൃശൂർ എന്നീ ജില്ലകളില്‍ യെല്ലോ അലര്‍ട്ടുമാണ്.

വെളളിയാഴ്‌ച ഇടുക്കിയിലും പാലക്കാട് മുതല്‍ കാസര്‍കോട് വരെയുള്ള ആറ് വടക്കന്‍ ജില്ലകളിലും
ഓറഞ്ച് അലര്‍ട്ട് പ്രഖ്യാപിച്ചു.

ശനിയാഴ്‌ചവരെ മഴ തുടരുമെന്നാണ് റിപ്പോർട്ടുകൾ. വെളളിയാഴ്‌ച വരെ 50 കിലോമീറ്റര്‍ വേഗതയില്‍ കാറ്റിന് സാധ്യതയുളളതിനാല്‍ മത്സ്യത്തൊഴിലാളികൾ കടലിൽ പോകരുതെന്ന് നിർദേശിച്ചിട്ടുണ്ട്.