പാലക്കാട്: പ്രളയത്തില്‍ തകര്‍ന്ന വില്ലൂന്നി പാലം പുനര്‍നിര്‍മിക്കാന്‍ സര്‍ക്കാര്‍ നടപടിയില്ലാതായതോടെ വരട്ടയാറിന് കുറുകെ താല്‍കാലിക പാലം നിര്‍മിച്ച് കര്‍ഷകര്‍. 2018 ലെ പ്രളയത്തിലാണ് പാലക്കാട് അതിർത്തി ഗ്രാമമായ എരുത്തേമ്പതിയിലെ വില്ലൂന്നി പാലം തകര്‍ന്നത്. രണ്ടു വർഷം പിന്നിട്ടിട്ടും നടപടി ഇല്ലാത്തതോടെയാണ് താല്‍കാലിക പാലം നിര്‍മിക്കാന്‍ കര്‍ഷകരും നാട്ടുകാരും രംഗത്തെത്തിയത്. ഇതിനിടെ 2020-21ലെ ബജറ്റിൽ വില്ലൂന്നി പാലത്തിനായി സർക്കാർ നീക്കിവെച്ചത് വെറും 100 രൂപയാണെന്നും ആക്ഷേപം ഉയര്‍ന്നിരുന്നു.
പ്രളയത്തിൽ പാലം തകർന്നിട്ട് രണ്ട് വർഷം; താൽകാലിക പാലം നിർമിച്ച് കർഷകർ