പാലക്കാട്:കൊവിഡ് പരിശോധനാ ഫലം വേഗത്തിൽ ലഭിക്കുന്ന ട്രൂനാറ്റ് റാപ്പിഡ് പി.സി.ആർ ടെസ്റ്റ്‌ മെഷീൻ പാലക്കാട് ജില്ലാ ആശുപത്രിയിൽ സ്ഥാപിച്ചു. ഷാഫി പറമ്പിൽ എം.എൽ.എയുടെ ആസ്തി വികസനഫണ്ടിൽ നിന്നും 45 ലക്ഷം രൂപ ചിലവിട്ടാണ് ഉപകരണം സ്ഥാപിച്ചത്. ഇത് വഴി കൊവിഡ് പരിശോധനാഫലം രണ്ട് മണിക്കൂറിനുള്ളിൽ ലഭിക്കും. ജില്ലയിലെ രോഗലക്ഷണമുളളവരുടെ സാമ്പിളുകൾ നിലവിൽ ത്യശൂർ മെഡിക്കൽ കോളജിൽ അയച്ചാണ് പരിശോധന നടത്തിയിരുന്നത്. ഉപകരണം സ്ഥാപിച്ചതോടെ പരിശോധനാ ഫലത്തിനുവേണ്ടി ദിവസങ്ങളോളം കാത്തിരക്കേണ്ട ദുരവസ്ഥയ്ക്ക് പരിഹാരമാവുകയാണ്.
കൊവിഡ് പരിശോധനയിൽ പാലക്കാട് ജില്ല സ്വയം പര്യാപ്തതയിലേക്ക്