പാലക്കാട്: ആൾക്കൂട്ട മർദനത്തിൽ കൊല്ലപ്പെട്ട മധുവിന്‍റെ കേസ് നടത്താൻ നടൻ മമ്മൂട്ടി സഹായം വാഗ്‌ദാനം ചെയ്‌തിട്ടുണ്ടെന്ന്‌ മധുവിന്‍റെ കുടുംബം. സ്പെഷ്യൽ പബ്ലിക് പ്രോസിക്യൂട്ടർ ഹാജരാകാത്തതിനാൽ മധുവിന്‍റെ കേസിന്‍റെ വിചാരണ മാറ്റിവച്ച വാർത്ത പുറത്തുവന്നതോടെയാണ്‌ വക്കീലിനെ ഏർപ്പാടാക്കാൻ മമ്മുട്ടി സഹായം വാഗ്‌ദാനം ചെയ്‌തത്‌.
തുടർന്നുള്ള കേസ് നടത്തിപ്പിൽ നിയമസഹായം നൽകാൻ നടപടി സ്വീകരിക്കാൻ തയ്യാറാണെന്ന് മമ്മുട്ടിയുടെ ഓഫിസ്‌ അറിയിച്ചതായി മധുവിന്‍റെ മൂത്ത സഹോദരി സരസു പറഞ്ഞു. വ്യാഴാഴ്‌ചയാണ് സഹായ വാഗ്‌ദാനം അറിയിച്ചുകൊണ്ട്‌ ഫോൺ സന്ദേശം എത്തിയത്‌.