പാലക്കാട്:പാചകവാതക സിലിണ്ടറുമായിവന്ന ലോറി ബൈക്കിലിടിച്ച്‌ രണ്ട് പേർ മരിച്ചു. മലമ്പുഴ സർക്കാർ കൃഷി ഫാമിലെ ജീവനക്കാരായ മണ്ണാർക്കാട് ശിവൻകുന്ന് ചുങ്കത്ത് വീട്ടിൽ ജോസ്(52), കുമരംപുത്തൂർ പയ്യനെടം കോഴിക്കാട്ടുതൊടി വീട്ടിൽ രാജീവ്കുമാർ(51) എന്നിവരാണ് മരിച്ചത്. ബുധനാഴ്‌ച രാവിലെ 7:30ന് കല്ലടിക്കോട് ടിബി സെന്‍ററിലാണ്‌ അപകടമുണ്ടായത്.
പാലക്കാട് ഭാഗത്തുനിന്ന്‌ വന്ന ലോറി എതിർദിശയിൽവന്ന ബൈക്ക് യാത്രികരെ ഇടിച്ചുതെറിച്ചപ്പിശേഷം പൊലീസ് സ്റ്റേഷന്‍റെ മതിലും തകർത്താണ് നിന്നത്. ഇടിയുടെ ആഘാതത്തിൽ ബൈക്ക് പൂർണമായും തകർന്നു. ലോറി ഓവർടേക്ക് ചെയ്യുന്നതിനിടെയാണ് അപകടമുണ്ടായത്.