നിലമ്പൂരില്‍ വീണ്ടും കാട്ടാനയിറങ്ങി

ആനയെ കണ്ട് തിരിഞ്ഞ് ഓടുന്നതിനിടയിൽ വീണ് റിട്ട.അധ്യാപകന് സാരമായി പരിക്കേറ്റു

മലപ്പുറം: നിലമ്പൂർ കോവിലകത്തുമുറിയിൽ വീണ്ടും കാട്ടാനയിറങ്ങി. ആനയെ കണ്ട് തിരിഞ്ഞ് ഓടുന്നതിനിടയിൽ വീണ് റിട്ട.അധ്യാപകന് സാരമായി പരിക്കേറ്റു. വീരാഡൂർ കുന്നിലെ ഗിരിഷ് മാസ്റ്റർക്കാണ് പരിക്കേറ്റത്. തലക്കും, കാലിനും സാരമായി പരിക്കേറ്റ ഇയാൾ കോഴിക്കോട് മെഡിക്കൽ കോളജില്‍ ചികിത്സയിലാണ്.

തിങ്കളാഴ്ച്ച പുലർച്ചെ നടക്കാനിറങ്ങിയ ഇയാള്‍ കാട്ടാനയെ കണ്ട് ഭയന്ന് ഓടുന്നതിനിടയിൽ വീഴുകയായിരുന്നു. ദിവസങ്ങള്‍ക്ക് മുമ്പ് കാട്ടാന വീടിന്‍റെ ഗേറ്റ് തകര്‍ത്തിരുന്നു. വിഷയത്തില്‍ വനംവകുപ്പ് അലംഭാവം കാട്ടുകയാണെന്ന് വാർഡ് കൗൺസിലർ അരുമ ജയകൃഷ്ണൻ കുറ്റപ്പെടുത്തി.