കാറ്റിലും മഴയിലും മരങ്ങൾ വീണ് വീട് തകർന്നു; ആളപായമില്ല

വെള്ളിയാഴ്ച്ച രാവിലെ 8.30 ഓടെയുണ്ടായ ശക്തമായ കാറ്റിലും മഴയിലും വീടിന് സമീപത്തെ തേക്ക്, പ്ലാവ്, കമുങ്ങ് മരങ്ങൾ മുറിഞ്ഞു വീഴുകയായിരുന്നു. വീടിന്‍റെ ഓട് പതിച്ച മേൽക്കൂരക്ക് മുകളിലും ടറസിലുമായാണ് മരങ്ങൾ വീണത്.

മലപ്പുറം: ശക്തമായ കാറ്റിലും മഴയിലും മരങ്ങൾ വീണ് വീട് തകർന്നു. ചേലേമ്പ്ര പുല്ലിപറമ്പിലെ പള്ളിയാളി ബസ് സ്റ്റോപ്പിന് സമീപമുള്ള മമ്മിണിക്കാട്ട് മാധവൻ നായരുടെ വീടാണ് തകർന്നത്. ആളപായമില്ല.

വെള്ളിയാഴ്ച്ച രാവിലെ 8.30 ഓടെയുണ്ടായ ശക്തമായ കാറ്റിലും മഴയിലും വീടിന് സമീപത്തെ തേക്ക്, പ്ലാവ്, കമുങ്ങ് മരങ്ങൾ മുറിഞ്ഞു വീഴുകയായിരുന്നു. വീടിന്‍റെ ഓട് പതിച്ച മേൽക്കൂരക്ക് മുകളിലും കോൺക്രീറ്റ് ടറസിലുമായാണ് മരങ്ങൾ വീണത്. സംഭവ സമയത്ത് നാല് മുതിർന്നവരും രണ്ട് കുട്ടികളും വീടിനകത്തുണ്ടായിരുന്നെങ്കിലും ആളപായമില്ല.