താനൂര്‍ കൊലപാതകം; പി.ജയരാജന്‍റെ പങ്ക് അന്വേഷിക്കണമെന്ന് രമേശ് ചെന്നിത്തല

പ്രതികളോടൊപ്പം ജയരാജന്‍ നില്‍ക്കുന്ന ചിത്രങ്ങള്‍ സംഭവത്തിലെ ദുരൂഹത വര്‍ധിപ്പിക്കുനെന്നും രമേശ് ചെന്നിത്തല.

മലപ്പുറം: താനൂരില്‍ മുസ്ലീം ലീഗ് പ്രവര്‍ത്തകനെ വെട്ടികൊലപ്പെടുത്തിയ സംഭവത്തില്‍ സി.പി.എം നേതാവ് പി. ജയരാജന്‍റെ പങ്ക് അന്വേഷിക്കണമെന്ന് പ്രതിപക്ഷ നേതാവ് രമേശ് ചെന്നിത്തല. പ്രതികളോടൊപ്പം ജയരാജന്‍ നില്‍ക്കുന്ന ചിത്രങ്ങള്‍ സംഭവത്തിലെ ദുരൂഹത വര്‍ധിപ്പിക്കുനെന്നും രമേശ് ചെന്നിത്തല പറഞ്ഞു.

സംഭവത്തിന് മുമ്പ് ജയരാജന്‍ താനൂരില്‍ വന്നിരുന്നെന്നും കൊലപാതകവുമായി അദ്ദേഹത്തിന് ബന്ധമുണ്ടൊയെന്ന് അന്വേഷിക്കണമെന്നും കൊല്ലപ്പെട്ട ഇസ്ഹാക്കിന്‍റെ വീട് സന്ദര്‍ശിക്കവേ അദ്ദേഹം പറഞ്ഞു. പൊലീസ് അന്വേഷണം കാര്യക്ഷമല്ലെന്നും സുതാര്യവും നിഷ്‌പക്ഷവുമായ അന്വേഷണമാണ് വേണ്ടതെന്നും അദ്ദേഹം പറഞ്ഞു.