മലപ്പുറം : കുറ്റിപ്പുറം തെക്കെ അങ്ങാടി കാങ്കപ്പുഴക്കടവ് ജുമാ മസ്ജിദ് ഖബർസ്ഥാനിൽ പ്രാർഥിക്കുന്നതിനിടെ കടന്നൽക്കൂട്ടത്തിന്‍റെ കുത്തേറ്റ് ചികിത്സയിലായിരുന്നയാള്‍ മരിച്ചു. കുറ്റിപ്പുറം സ്വദേശി കോരാത്ത് മുസ്തഫ (45) യാണ് മരിച്ചത്. കടന്നൽ കുത്തേറ്റ് 15ലേറെപ്പേർക്ക് പരിക്കേറ്റിരുന്നു.
ഞായറാഴ്‌ച വൈകുന്നേരം നാലിന് നമസ്കാരം നടക്കുന്നതിനിടെയാണ് കടന്നൽക്കൂട്ടത്തിന്‍റെ ആക്രമം നടക്കുന്നത്. ശക്തമായ കാറ്റ് ഈ സമയത്തുണ്ടായിരുന്നു. ഇതിനിടയിലാണ് കൂട്ടമായി കടന്നലുകൾ ഇവരെ ആക്രമിക്കുന്നത്. രക്ഷപ്പെട്ട് ഇവർ ഓടിക്കയറിയപ്പോള്‍ പിറകേയെത്തി കടന്നൽക്കൂട്ടം പള്ളിയിലുണ്ടായിരുന്നവരെയും കുത്തുകയായിരുന്നു.