മലപ്പുറം: സ്വന്തമായി ഒരു വിമാനം നിര്‍മിക്കുക. അഞ്ച് വര്‍ഷം മുന്‍പ് അരീക്കോട് ചെമ്പാപറമ്പ് സ്വദേശി കുഴിയെങ്ങൽ യഹിയ തന്‍റെ മനസിലെ മോഹം പറയുമ്പോള്‍ കേട്ടവരാരും അത് വിശ്വസിച്ചിട്ടുണ്ടാകില്ല. വര്‍ഷങ്ങള്‍ക്കിപ്പുറം അരീക്കോടുകാരെ സാക്ഷിയാക്കി ചെമ്പാപറമ്പ് ഗ്രൗണ്ടിലേക്ക് യഹിയ വിമാനവുമായി എത്തി.
അഞ്ച് വര്‍ഷത്തെ കഠിനധ്വാനം
മോഹം തോന്നി വിമാനം നിര്‍മിക്കാന്‍ മുന്നിട്ടിറങ്ങുമ്പോഴും അത് എങ്ങനെ ഉണ്ടാക്കുമെന്നതിനെ കുറിച്ച് കാര്യമായ പഠനങ്ങളൊന്നും യഹിയ നടത്തിയിട്ടില്ലായിരുന്നു. ഫാൻ കറങ്ങുമ്പോൾ കാറ്റ് പിറകിലേക്ക് വലിച്ച് വിമാനം ഉയരുമെന്ന് മാത്രം യഹിയക്കറിയാമായിരുന്നു. വിമാനത്താവളത്തിലെത്തി വിമാനത്തിന്‍റെ ഘടനയും മറ്റു സംവിധാനങ്ങളുമെല്ലാം നോക്കി മനസിലാക്കി. അഞ്ച് വര്‍ഷത്തെ പ്രയത്‌നം ഒടുവില്‍ ഫലം കണ്ടു.
മോഹം, കഠിനധ്വാനം ഒടുവില്‍ വിമാനം; ചെറു ഗ്ലൈഡര്‍ നിര്‍മിച്ച് അരീക്കോട് സ്വദേശി