മലപ്പുറം: തവനൂർ കടകശേരിയിൽ തനിച്ച് താമസിച്ചിരുന്ന വയോധികയെ വീടിനകത്ത് മരിച്ച നിലയിൽ കണ്ടത്തി. തട്ടോട്ടില്‍ ഇയ്യാത്തുട്ടി ഉമ്മ(70)യേയാണ് ഞായറാഴ്ച വൈകുന്നേരം ആറിന് വീടിനകത്ത് മരിച്ച നിലയിൽ കണ്ടെത്തിയത്. മൂക്കില്‍നിന്നും വായില്‍നിന്നും രക്തം ഒഴുകിയ നിലയിലായിരുന്നു മൃതദേഹം.
തലക്കടിയേറ്റതായാണ് പ്രാഥമിക നിഗമനം. ഭക്ഷണവുമായി എത്തിയ ബന്ധുക്കളാണ് ഇവര്‍ മരിച്ച് കിടക്കുന്നത് കണ്ടത്. ശരീരത്തിലെ 25പവനോളം ആഭരണങ്ങൾ കാണായായതായാണ് സൂചന. സ്വന്തം വീട്ടില്‍ കഴിഞ്ഞ ഏതാനും വർഷങ്ങളായി ഒറ്റയ്ക്ക് താമസിച്ചുവരികയായിരുന്നു 70 കാരിയായ ഇയ്യാത്തുട്ടി.