കരുവാരക്കുണ്ടിൽ കനത്ത മഴ ; ഒലിപ്പുഴയിൽ മഴവെള്ളപ്പാച്ചിൽ, മൂന്ന് വീടുകളിൽ വെള്ളം കയറി

ഇന്ന് ഉച്ചയോടെ തുടങ്ങിയ മഴ ശമനമില്ലാതെ തുടരുകയാണ്

മലപ്പുറം : കരുവാരക്കുണ്ടിൽ കനത്ത മഴയിൽ വലഞ്ഞ് ജനങ്ങൾ. ഉച്ചയോടെ തുടങ്ങിയ കനത്ത മഴ ശമനമില്ലാതെ തുടരുകയാണ്. ഒലിപ്പുഴയിൽ ഉരുൾപൊട്ടിയതിന് സമാനമായ മഴവെള്ളപ്പാച്ചിലും ഉണ്ടായി. ഇതിനെത്തുടർന്ന് മുള്ളറയിൽ മൂന്ന് വീടുകളിൽ വെള്ളം കയറിയിട്ടുണ്ട്.

മാമ്പറ്റപ്പാലത്തിന് മുകളിലൂടെയാണ് ഒലിപ്പുഴ കവിഞ്ഞൊഴുകുന്നത്. മഴ കനത്താൽ കൂടുതൽ പ്രദേശങ്ങൾ വെള്ളത്തിനടിയിലാകും. പ്രദേശത്തെ ജനങ്ങൾ കനത്ത ഭീതിയിലാണ്.