മലപ്പുറം :താനൂർ വട്ടത്താണി വലിയപാടത്ത് ട്രെയിൻ തട്ടി പിതാവും മകളും മരിച്ചു. തലകടത്തൂർ സ്വദേശി കണ്ടംപുലാക്കൽ അബ്ദുൾ അസീസ് (46) മകൾ അജ്‌വ മറിയം (10) എന്നിവരാണ് മരിച്ചത്. ബുധനാഴ്‌ച രാത്രി 9.10നായിരുന്നു അപകടം.
ബന്ധുവീട്ടിൽ വന്ന് സാധനങ്ങൾ വാങ്ങാൻ മകളുമൊന്നിച്ച് കടയിലേക്ക് പോകവെ മംഗലാപുരം ചെന്നൈ എക്‌സ്പ്രസാണ് ഇവരെ ഇടിച്ചിട്ടത്. കോഴിക്കോട് ഭാഗത്തേക്ക് ട്രെയിൻ വരുന്നത് കണ്ട് അടുത്ത ട്രാക്കിലേക്ക് മാറിയപ്പോഴാണ് അപകടം സംഭവിച്ചത്.