മലപ്പുറം: മലപ്പുറം -കുന്നുമ്മല്‍ പെരിന്തല്‍മണ്ണ റോഡില്‍ നിയന്ത്രണം വിട്ട കാര്‍ വൈദ്യുതി തൂണിലിടിച്ച് ഒരാള്‍ മരിച്ചു. കോഡൂര്‍ വരിക്കോട് സ്വദേശി മൈമൂനയാണ് (66) മരിച്ചത്. ഇന്നലെ പുലര്‍ച്ചെ 1.30 ഓടെയാണ് സംഭവം.
നിയന്ത്രണം വിട്ട കാര്‍ റോഡരികിലെ വൈദ്യുതി തൂണിലിടിച്ച് സമീപത്തെ വ്യാപാര സ്ഥാപനത്തിലേക്ക് ഇടിച്ചു കയറുകയായിരുന്നു. കാറിന്‍റെ മുന്‍ വശത്തെ ഒരു ഭാഗവും യാത്രക്കാര്‍ ഇരിക്കുന്ന വശത്തെ വാതിലുകളും അപകടത്തില്‍ തകര്‍ന്നു. കോയമ്പത്തൂരില്‍ നിന്ന് മടങ്ങി വരുന്നതിനിടെയാണ് അപകടമുണ്ടായത്.