മലപ്പുറം : വീട്ടിലെ ഉപകരണങ്ങളെല്ലാം മൊബൈൽ ഫോൺ ഉപയോഗിച്ച് നിയന്ത്രിക്കുന്നതിനായി ആപ്ലിക്കേഷന്‍ തയാറാക്കിയിരിക്കുകയാണ് ഒരു കൂട്ടം വിദ്യാര്‍ഥികള്‍. ആലത്തിയൂർ കെ.എച്ച്.എം.എച്ച്.എസ്.എസിലെ ഒമ്പതാം ക്ലാസുകാരായ മുഹമ്മദ് സിമാൽ എം, നഷ്‌വ എം, ദീപു കെ, ആദിത്യ മേനോൻ എന്നിവരാണ് ആപ്പ് വികസിപ്പിച്ചത്.
വീട്ടുപകരണങ്ങള്‍ നിയന്ത്രിക്കാൻ ആപ്പുമായി വിദ്യാർഥികള്‍
സ്‌മാർട്ട് റൂം എന്നാണ് ആപ്പിന്‍റെ പേര്. വീട്ടിലെ ഉപകരണങ്ങൾക്ക് പുറമേ കർട്ടൻ, ടാപ്പ് എന്നിവയും ആപ്പ് ഉപയോഗിച്ച് വോയിസ് കമാൻഡ് മുഖേനയോ, വെബ് കൺട്രോൾ ആയോ നിയന്ത്രിക്കാനാകും. ഉദാഹരണത്തിന് ആപ്പ് തുറന്ന് ടേണ്‍ ഓണ്‍ ബള്‍ബ് എന്ന് പറഞ്ഞാൽ ബൾബ് തെളിയും.