മലപ്പുറം:കളിക്കുന്നതിനിടെ തൊട്ടിൽ കയർ കഴുത്തിൽ കുരുങ്ങി 13 വയസുകാരി മരിച്ചു. കരുമ്പിൽ സ്വദേശി അബ്ദുൽ നാസറിൻ്റെ മകൾ നസ്‌വ ഷെറിൻ ആണ് മരിച്ചത്. ചൊവ്വാഴ്‌ച രാത്രി 8 മണിക്കാണ് സംഭവം.
വീട്ടിൽ ഉമ്മയുടെ സഹോദരിയുടെ മകളുമായി കളിക്കുന്നതിനിടെയാണ് തൊട്ടിൽ കയർ കഴുത്തിൽ കുരുങ്ങിയത്. ഒപ്പം കളിക്കുന്ന കുട്ടി വിവരം വീട്ടുകാരെ അറിയിച്ചപ്പോൾ നസ്‌വ കയറിൽ കുരുങ്ങി ബോധം നഷ്‌ടപ്പെട്ട നിലയിലായിരുന്നു. തുടർന്ന് ചെങ്കുവെട്ടി സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.