കോഴിക്കോട്: കോഴിക്കോട് നഗരത്തിന്‍റെ വിവിധയിടങ്ങളിൽ ഒരേ സമയം മാവോയിസ്റ്റുകൾക്കായി പൊലീസ് പരിശോധന. വ്യാപാരികൾക്ക് ലഭിച്ച ഭീഷണിക്കത്തിന്‍റെ അടിസ്ഥാനത്തിലാണ് പരിശോധന. നഗരത്തിലെ വിവിധ ഫ്ലാറ്റുകളും സ്ഥാപനങ്ങളും കേന്ദ്രീകരിച്ചായിരുന്നു പരിശോധന.
കഴിഞ്ഞ ദിവസം നഗരത്തിലെ വ്യവസായികൾക്ക് മാവോയിസ്റ്റുകളുടെ പേരിൽ ഭീഷണിക്കത്ത് വന്നിരുന്നു. വ്യവസായികളെ തകർക്കും എന്ന തരത്തിലുള്ള ഭീഷണിക്കത്താണ് വന്നത്. ഇതുമായി ബന്ധപ്പെട്ട കേസന്വേഷണത്തിന്‍റെ അടിസ്ഥാനത്തിലാണ് നടപടി.