കോഴിക്കോട് കനത്ത മഴ, ഉരുൾപൊട്ടല്‍

ജില്ലയില്‍ യെല്ലോ അലർട്ട് പ്രഖ്യാപിച്ചിട്ടുണ്ട്.

കോഴിക്കോട്: ജില്ലയുടെ മലയോരമേഖലയിലുണ്ടായ കനത്ത മഴയില്‍ വനത്തില്‍ ഉരുള്‍പ്പൊട്ടി. ആളപായമൊന്നും റിപ്പോർട്ട് ചെയ്‌തിട്ടില്ല. ചാലിയാറിലും, ചെറുപുഴയിലും ജലനിരപ്പ് ഉയരുന്നുണ്ട്. കോടഞ്ചേരി മുത്തപ്പൻ പുഴയും ഇരുവഴിഞ്ഞിപ്പുഴയും കരകവിഞ്ഞൊഴുകുകയാണ്.

താഴ്ന്ന പ്രദേശങ്ങളിൽ വെള്ളം കയറുന്നുണ്ട്. ചാത്തമംഗലം മാവൂർ. കൊടിയത്തൂർ മേഖലകളില്‍ വെള്ളപ്പൊക്ക ഭീഷണിയിലുണ്ട്. മഴ തുടരാൻ സാധ്യതയുള്ളതിനാല്‍ ജില്ലയില്‍ യെല്ലോ അലർട്ട് പ്രഖ്യാപിച്ചിട്ടുണ്ട്.