കോഴിക്കോട്: ജീവിതത്തില്‍ നിങ്ങൾ ഒരിക്കല്‍ തോല്‍ക്കാൻ തയ്യാറായാല്‍ പിന്നെയൊരു തിരിച്ചുവരവിനായി വല്ലാതെ കാത്തിരിക്കേണ്ടി വരും. കോഴിക്കോട് അത്തോളി സ്വദേശി ബാലൻ നായർ പലതവണയാണ് ജീവിതത്തിന് മുന്നില്‍ തോറ്റു നിന്നത്. പക്ഷേ ഓരോ തവണയും പതറാതെ പുതിയ മാർഗങ്ങൾ തേടിയ ബാലൻ നായർ സ്വന്തം വിധിയെ മാറ്റിയെഴുതുകയാണ്.
ബാലൻനായരുടെ വിജയകഥ
പേരിന് പിന്നിലൊരു കഥ
കൊവിഡും ലോക്ക്ഡൗണും മൂലം സ്വന്തം തൊഴില്‍ ഉപേക്ഷിച്ച് മറ്റൊരു ഉപജീവന മാര്‍ഗം കണ്ടെത്താന്‍ നിര്‍ബന്ധിതരായവരുടെ എണ്ണം വളരെ വലുതാണ്. കൊടശ്ശേരി മേടക്കര ബാലൻ നായർ അത്തോളിക്കാര്‍ക്ക് ധന്യ ബാലൻ നായരാണ്.
ആദ്യ ഉപജീവന മാർഗമായ ഹോട്ടലിന് ധന്യ എന്ന് പേരിട്ടതോടെയാണ് ബാലൻ നായർ 'ധന്യ ബാലൻ നായർ' ആയത്. ഹോട്ടൽ നഷ്‌ടത്തിലായതോടെ വളം വില്‍പ്പനയിലേയ്ക്ക് തിരിഞ്ഞു. കൊവിഡും പിന്നാലെ ലോക്ക്ഡൗണും എത്തിയതോടെ വളം വില്‍പ്പന നിലച്ചു.