മലപ്പുറം:ആർഎസ്എസ് വേദി പങ്കിട്ട സംഭവത്തിൽ പാർട്ടി എടുക്കുന്ന ഏത് തീരുമാനവും അംഗീകരിക്കുമെന്ന് മുസ്ലിം ലീഗ് നേതാവ് കെ.എന്‍.എ ഖാദര്‍. അച്ചടക്കമുള്ള പാർട്ടി പ്രവർത്തകനെന്ന നിലയില്‍ പാര്‍ട്ടി തീരുമാനം അംഗീകരിക്കും. അറിയിപ്പ് ലഭിച്ചിട്ടില്ലെങ്കിലും പാർട്ടി ശാസന നൽകിയതായാണ് കരുതുന്നത്.
ശക്തമായ നടപടിയെടുക്കാനുള്ള അധികാരവും സ്വാതന്ത്ര്യവും പാർട്ടിക്കുണ്ടെന്നും കെ.എൻ.എ ഖാദര്‍ പറഞ്ഞു. കോഴിക്കോട് നടന്ന ആർഎസ്എസ് പരിപാടിയിൽ കെഎന്‍എ ഖാദർ പങ്കെടുത്തത് വിവാദങ്ങൾക്ക് ഇടയാക്കിയിരുന്നു. ഇതിന് പിന്നാലെ വിശദീകരണം തേടിയ മുസ്ലിം ലീഗ് അദ്ദേഹത്തെ താക്കീത് ചെയ്‌തിരുന്നു.