കെ റെയിൽ: ഡിപിആർ പുറത്ത് വിടാത്തത് ദുരൂഹത വർധിപ്പിക്കുന്നുവെന്ന് കേന്ദ്രമന്ത്രി വി മുരളീധരൻ

റിയൽ എസ്റ്റേറ്റ് നീക്കങ്ങൾ മുന്നിൽക്കണ്ടാണ് കെ-റെയിൽ കല്ലിടൽ നടക്കുന്നതെന്ന് വി മുരളീധരൻ ആരോപിച്ചു.

കോഴിക്കോട്: കെ. റെയിൽ വിഷയത്തിൽ സംസ്ഥാന സർക്കാരിനെതിരെ കേന്ദ്ര വിദേശകാര്യ സഹമന്ത്രി വി. മുരളീധരൻ. സർക്കാർ ഡിപിആർ പുറത്ത് വിടുന്നില്ല എന്നത് തന്നെയാണ് പദ്ധതിയ്ക്ക് പിന്നിലെ ദുരൂഹതയ്ക്ക് തെളിവെന്ന് അദ്ദേഹം ആരോപിച്ചു.

ജനങ്ങളുടെ ആശങ്കകൾ പരിഹരിക്കാനുള്ള ശ്രമം നടത്തുന്നതിന് പകരം, എതിരഭിപ്രായം പറയാത്തവരുമായി വിശദീകരണ നാടകം കളിക്കുകയാണ് മുഖ്യമന്ത്രി. റിയൽ എസ്റ്റേറ്റ് നീക്കങ്ങൾ മുന്നിൽക്കണ്ടാണ് കെ-റെയിൽ കല്ലിടലെന്നും അദ്ദേഹം കോഴിക്കോട് പറഞ്ഞു.