വഖഫ് ബോർഡ് സംരക്ഷണം; കോഴിക്കോട് ബഹുജന കൂട്ടായ്‌മ സംഘടിപ്പിച്ചു

പിടിഎ റഹീം എം.എൽ.എയുടെ നേതൃത്വത്തിലാണ് യോഗം ചേർന്നത്

കോഴിക്കോട്: വഖഫ് ബോർഡ് സംരക്ഷണത്തിന് വേണ്ടിയുള്ള ബഹുജന കൺവെൻഷൻ കോഴിക്കോട് നടന്നു. പിടിഎ റഹീം എം.എൽ.എയുടെ നേതൃത്വത്തിൽ നടന്ന ബഹുജന കൂട്ടായ്‌മയിൽ മന്ത്രി വി അബ്‌ദുറഹ്മാൻ ഉൾപ്പെടെയുള്ളവർ പങ്കെടുത്തു. ടി കെ ഹംസ ആണ് വഖഫ് ബഹുജന യോഗം ഉദ്ഘാടനം ചെയ്‌തത്.

വഖഫ് സ്വത്തുക്കൾ യഥാർഥ അവകാശികൾക്ക് ലഭിക്കാൻ സർക്കാർ ഇടപെടുമ്പോൾ ചിലർ രാഷ്ട്രീയ താൽപര്യത്തോടെ അതിനു തുരങ്കം വെയ്‌ക്കുകയാണെന്ന് സമ്മേളനത്തിൽ പങ്കെടുത്തവർ പറഞ്ഞു.

വഖഫ് സ്വത്തിന് ഒരു നിയന്ത്രണവും ഏർപ്പെടുത്താൻ സർക്കാർ ഉദ്ദേശിക്കുന്നില്ല. അന്യാധീനപ്പെട്ട്‌ പോയ വഖഫ് സ്വത്തുക്കൾ സംരക്ഷിക്കാനാണ് സർക്കാർ ഇടപെടൽ നടത്തുന്നതെന്നും നേതാക്കൾ പറഞ്ഞു.