കോഴിക്കോട്: റിപ്പോര്‍ട്ട് ചെയ്യാനെത്തിയ മാധ്യമ പ്രവർത്തകരെ മര്‍ദിച്ച് കോണ്‍ഗ്രസ് പ്രവര്‍ത്തകര്‍. സ്വകാര്യ ഹോട്ടലിൽ കോൺഗ്രസ് എ ഗ്രൂപ്പ് നേതാക്കൾ യോഗം ചേരുന്നുവെന്ന വിവരം റിപ്പോർട്ട് ചെയ്യാനെത്തിയവർക്ക് നേരെയാണ് മർദനവും അസഭ്യവർഷവുമുണ്ടായത്. വനിത മാധ്യമ പ്രവർത്തകയെ വളഞ്ഞിട്ട് കയ്യേറ്റം ചെയ്‌ത 'എ' ഗ്രൂപ്പ് നേതാക്കൾ മാതൃഭൂമി ഫോട്ടോഗ്രാഫറെ പൂട്ടിയിട്ടു.
മുൻ ഡിസിസി പ്രസിഡന്‍റ് യു രാജീവൻ്റെ നേതൃത്വത്തിൽ ടി സിദ്ദീഖ് അനുകൂലികളാണ് യോഗം ചേർന്നത്. നെഹ്റു അനുസ്‌മരണ യോഗം എന്ന പേരിൽ 21 പേരാണ് രഹസ്യ യോഗം ചേർന്നത്. ഡിസിസി പ്രസിഡന്‍റിന്‍റെ അറിവോടെയാണ് യോഗം ചേർന്നതെന്നാണ് മുൻ പ്രസിഡന്‍റിന്‍റെ വാദം.
മാധ്യമപ്രവര്‍ത്തകരെ മര്‍ദിച്ച് കോണ്‍ഗ്രസ് പ്രവര്‍ത്തകര്‍