കൊടിയത്തൂരില്‍ വിരണ്ടോടിയ പോത്ത് നാട്ടുകാരെ മുള്‍മുനയില്‍ നിർത്തിയത് നാല് മണിക്കൂര്‍: video

എടവണ്ണ- കൊയിലാണ്ടി സംസ്ഥാനപാതയിൽ മുക്കം അരീക്കോട് റോഡിൽ വച്ചാണ് പോത്ത് വിരണ്ടോടിയത്. വിരണ്ടോടിയ പോത്ത് ഒരാളെ കുത്തി പരിക്കേൽപ്പിച്ചു. വാഹനങ്ങളും നശിപ്പിച്ചിട്ടുണ്ട്.

കോഴിക്കോട്: കൊടിയത്തൂരില്‍ അറക്കാനായി കൊണ്ടുവന്ന പോത്ത് വിരണ്ടോടി. എടവണ്ണ- കൊയിലാണ്ടി സംസ്ഥാന പാതയിൽ മുക്കം അരീക്കോട് റോഡിൽ വച്ചാണ് പോത്ത് വിരണ്ടോടിയത്. ഇന്ന് (21.01.22) രാവിലെ 8 മണിയോടെയാണ് സംഭവം.

മണിക്കൂറുകളോളം പലയിടങ്ങളിലായി ഓടിയ പോത്തിനെ ഉച്ചക്ക് 12 മണിയോടെ എടവണ്ണ-കൊയിലാണ്ടി സംസ്ഥാനപാതയിലെ ഗോതമ്പ് റോഡ് അങ്ങാടിയിൽ വച്ച് നാട്ടുകാരും മുക്കം ഫയർഫോഴ്‌സും ചേർന്ന് സാഹസികമായി പിടികൂടുകയായിരുന്നു.

ഇസ്‌മായില്‍ എന്നയാളുടെ പോത്താണ് വിരണ്ടോടിയത്. വിരണ്ടോടിയ പോത്ത് ഒരാളെ കുത്തി പരിക്കേൽപ്പിച്ചു. വാഹനങ്ങളും നശിപ്പിച്ചിട്ടുണ്ട്. പോത്തിനെ പിടികൂടാൻ ശ്രമിക്കുന്നതിനിടെ ആളുകൾക്ക് ചെറിയ തോതില്‍ പരിക്കേറ്റിരുന്നു.