കോഴിക്കോട്: മരുന്ന് സൂക്ഷിച്ചതിലെ അപാകത മൂലം കോഴിക്കോട് ചെറൂപ്പ ആശുപത്രിയിൽ സൂക്ഷിച്ച കൊവിഡ് വാക്‌സിന്‍ ഉപയോഗ ശൂന്യമായി. ചെറൂപ്പ ആശുപത്രി, പെരുവയൽ, പെരുമണ്ണ എന്നിവിടങ്ങളിലെ വാക്‌സിന്‍ കേന്ദ്രങ്ങളിലേക്ക് എത്തിക്കാനുള്ള മരുന്നാണ് സൂക്ഷിക്കുന്നതിൽ സംഭവിച്ച പാളിച്ചയെ തുടര്‍ന്ന് ഉപയോഗശൂന്യമായത്.
തിങ്കളാഴ്‌ച വൈകുന്നേരം എത്തിയ മരുന്ന് ചൊവ്വാഴ്‌ച രാവിലെ കുത്തി വയ്പ്പ് കേന്ദ്രത്തിലേക്ക് കൊണ്ടുപോകാനൊരുങ്ങുമ്പോഴാണ് മരുന്ന് കേടായത് ജീവനക്കാർക്ക് മനസിലായത്. 800 ഡോസ് മരുന്നാണ് കേടായത്.