കോട്ടയം: കൊവിഡിനെ പ്രതിരോധിക്കാൻ എല്ലാവർക്കും പ്രതിരോധ വാക്സിൻ അടിയന്തരമായി വിതരണം ചെയ്യണമെന്ന് യുഡിഎഫ് കോട്ടയം ജില്ല ചെയർമാൻ സജി മഞ്ഞക്കടമ്പിൽ. ആശുപത്രികളിൽ മതിയായ ചികിത്സാസൗകര്യങ്ങൾ ഏർപ്പെടുത്തുകയും കുറഞ്ഞ വരുമാനക്കാർക്കെങ്കിലും സൗജന്യ ചികിത്സ ഏർപ്പെടുത്താൻ കേന്ദ്ര, സംസ്ഥാന സർക്കാരുകൾ നടപടി സ്വീകരിക്കുകയും ചെയ്യണണമെന്നും അദ്ദേഹം ആവശ്യപ്പെട്ടു.
കൊവിഡ് പ്രതിരോധത്തിന്‍റെ പേരിൽ രാജ്യത്ത് ലോക്ക്ഡൗൺ ഏർപ്പെടുത്തിയിരിക്കുന്നതു മൂലം ഓട്ടോ, ടാക്സി, ബസ്, തൊഴിലാളികളും, ചെറുകിട വ്യാപാരികളും ആത്മഹത്യയുടെ വക്കിലാണെന്നും സജി പറഞ്ഞു. ഈ സാഹചര്യത്തിലും ത്രിതല പഞ്ചായത്തുകളുടെയും, വിവിധ സംഘടനകളുടെയും നേതൃത്വത്തിൽ കൊവിഡ് പ്രതിരോധ പ്രവർത്തനങ്ങൾക്ക് എന്ന പേരിൽ ചെറുകിടക വ്യാപാരികളെയും, കർഷകരെയും ഭീഷണിപ്പെടുത്തിയുള്ള സംഭാവന പിരിവും തട്ടിപ്പും നാട്ടിൽ നിത്യ സംഭവമായിരിക്കുകയാണെന്നും സജി കുറ്റപ്പെടുത്തി.