പാലായില്‍ മാണി സി. കാപ്പൻ യുഡിഎഫ് സ്ഥാനാര്‍ഥിയായേക്കുമെന്ന് പി.ജെ ജോസഫ്

15 സീറ്റെന്ന ആവശ്യത്തിൽ ജോസഫ് വിഭാഗം അയവ് വരുത്തി. തളിപ്പറമ്പും ആലത്തൂരും ഒഴികെ 13 സീറ്റുകൾ ആവശ്യപ്പെടുമെന്ന് പി.ജെ ജോസഫ്

കോട്ടയം: യുഡിഎഫ് പൊതുസമ്മതനായി മാണി സി. കാപ്പൻ പാലായിൽ മത്സരിക്കാൻ സാധ്യതയുണ്ടെന്ന് പി.ജെ ജോസഫ്. എൻസിപി നിർണായക രാഷ്ട്രീയ തീരുമാനം അറിയിക്കാനിരിക്കെയാണ് ജോസഫിന്‍റെ പ്രതികരണം. അതേസമയം 15 സീറ്റെന്ന ആവശ്യത്തിൽ ജോസഫ് വിഭാഗം അയവ് വരുത്തി. തളിപ്പറമ്പും ആലത്തൂരും ഒഴികെ 13 സീറ്റുകൾ ആവശ്യപ്പെടുമെന്ന് പി.ജെ ജോസഫ് കോട്ടയത്ത് പറഞ്ഞു.

കഴിഞ്ഞ തവണ മൽസരിച്ച 15 സീറ്റുകൾ വേണമെന്ന ആവശ്യത്തിൽ നിന്നും പി.ജെ ജോസഫ് പിന്നോട്ട് പോവുകയാണ്. 13 സീറ്റുകളാണ് ജോസഫ് വിഭാഗം ആവശ്യപ്പെടുക. നിലവിൽ മൽസരിക്കുന്ന തളിപ്പറമ്പും ആലത്തൂരും വിട്ടു നൽകാൻ തയ്യാറാണെന്ന് പി.ജെ. ജോസഫ് കോട്ടയത്ത് പറഞ്ഞു.