പാലായില്‍ കാലാനുസൃതമായ വികസനം എത്തിയിട്ടില്ലെന്ന് എന്‍. ഹരി

മോദി സര്‍ക്കാര്‍ കഴിഞ്ഞ കാലങ്ങളില്‍ പാലാ മണ്ഡലത്തില്‍ വിവിധ പദ്ധതികള്‍ക്കായി 607 കോടി രൂപ അനുവദിച്ചിട്ടുണ്ടെന്ന് എന്‍.ഹരി.

കോട്ടയം: പാലാ ഉപതെരഞ്ഞെടുപ്പിന് ദിവസങ്ങൾ മാത്രം ശേഷിക്കെ പ്രചാരണം ശക്തമാക്കി സ്ഥാനാർഥികൾ. അവസാനഘട്ട പ്രചാരണത്തില്‍ മേല്‍ക്കൈ നേടാൻ സംസ്ഥാന ദേശീയ നേതാക്കളെ രംഗത്തിറക്കാനാണ് മുന്നണികൾ ശ്രമിക്കുന്നത്.

എന്‍.ഡി.എ സ്ഥാനാര്‍ഥി എന്‍. ഹരി രാമപുരം, കരൂര്‍, കടനാട്, ഭരണങ്ങാനം, തലപ്പലം പഞ്ചായത്തുകളില്‍ പര്യടനം നടത്തി. പാലായില്‍ കാലാനുസൃതമായ വികസനം എത്തിയിട്ടില്ലെന്നും മോദി സര്‍ക്കാര്‍ കഴിഞ്ഞ കാലങ്ങളില്‍ പാലാ മണ്ഡലത്തില്‍ വിവിധ പദ്ധതികള്‍ക്കായി 607 കോടി രൂപ അനുവദിച്ചിട്ടുണ്ടെന്നും എന്‍.ഹരി ചൂണ്ടിക്കാട്ടി.