കോട്ടയം: ആശങ്കകൾക്ക് വിരാമമിട്ട് കോട്ടയം ജില്ലയിൽ ബസുകൾ ഓടിതുടങ്ങി. രാവിലെ ഏഴ്‌ മണി മുതലാണ് ജില്ലയിലെ വിവിധ കെ.എസ്.ആർ.ടി.സി ഡിപ്പോകളിൽ നിന്നും ബസുകൾ സർവീസ് നടത്തി തുടങ്ങിയത്. ഹ്രസ്വദൂര സർവീസുകളാണ് ആദ്യഘട്ടത്തിൽ ആരംഭിച്ചിരിക്കുന്നത്.
കോട്ടയം ജില്ലയില്‍ കെഎസ്ആര്‍ടിസി സര്‍വീസ് തുടങ്ങി
കോട്ടയം ഡിപ്പോയിൽ നിന്നും 17 ബസുകളും, പാലായിൽ നിന്ന് 14 ബസുകളും, പൊൻകുന്നം, വൈക്കം ഡിപ്പോകളിൽ നിന്ന് പന്ത്രണ്ടും ഇരാറ്റുപേട്ടയിൽ നിന്ന് അഞ്ചും എരുമേലിയിൽ നിന്ന് എട്ട് ബസുകളും സർവീസ് നടത്തും. യാത്രക്കാരുടെ എണ്ണത്തിന് അനുസരിച്ച് ബസ് സർവീസുകളുടെ എണ്ണം വർധിപ്പിക്കാനാണ് കെ.എസ്.ആർ.ടി.സി തീരുമാനം. ജില്ലാ അതിർത്തികളിൽ ബസ് യാത്ര അവസാനിപ്പിക്കും.