വെള്ളക്കെട്ടിലേക്ക് ബസ് ഓടിച്ചിറക്കിയ കെഎസ്ആർടിസി ഡ്രൈവറെ സസ്പെൻഡ് ചെയ്തു

പൂഞ്ഞാർ സെന്‍റ് മേരീസ് പള്ളിക്ക്‌ മുന്നിൽ രൂപപ്പെട്ട വെള്ളക്കെട്ടിലേക്കാണ് ഡ്രൈവർ എസ് ജയദീപ് ബസ് ഓടിച്ചിറക്കിയത്

കോട്ടയം : പൂഞ്ഞാറിൽ വെള്ളക്കെട്ടിലേക്ക് ബസ് ഓടിച്ചിറക്കിയ കെഎസ്ആർടിസി ഡ്രൈവറെ സസ്പെൻഡ് ചെയ്തു. ഈരാറ്റുപേട്ട ഡിപ്പോയിലെ ഡ്രൈവർ എസ് ജയദീപിനെയാണ് ഗതാഗത മന്ത്രിയുടെ നിര്‍ദേശപ്രകാരം സസ്പെൻഡ് ചെയ്തത്. ശക്തമായ മഴയെ തുടർന്ന് വെള്ളംനിറഞ്ഞ പൂഞ്ഞാർ സെന്‍റ് മേരീസ് പള്ളിക്ക്‌ മുന്നിലെ റോഡിലൂടെയാണ് ഇയാൾ ബസ് ഓടിച്ചത്.

തുടർന്ന് യാത്രക്കാരുടെ ജീവന് ഭീഷണിയും ബസിന് നാശനഷ്ടവും വരുത്തിയ ഡ്രൈവറെ സസ്പെൻഡ് ചെയ്യാൻ ഗതാഗതമന്ത്രി ആന്‍റണി രാജു കെഎസ്ആർടിസി മാനേജിങ് ഡയറക്ടർക്ക് നിർദേശം നൽകുകയായിരുന്നു.