കോട്ടയം: നടുറോഡില്‍ തമ്മിലടിച്ച് എസ്എഫ്ഐ പ്രവര്‍ത്തകര്‍. ജില്ല സമ്മേളനത്തിന്‍റെ ഭാഗമായി എസ്എഫ്ഐ ജില്ല കമ്മിറ്റി സംഘടിപ്പിച്ച വിദ്യാർഥി സംഗമത്തിൽ പങ്കെടുക്കാനെത്തിയ പ്രവർത്തകര്‍ തമ്മിലാണ് സംഘര്‍ഷമുണ്ടായത്.
കോട്ടയത്ത് നടുറോഡില്‍ തമ്മിലടിച്ച് എസ്എഫ്ഐ പ്രവര്‍ത്തകര്‍
തിരുനക്കര മൈതാനത്ത്‌ സംഘടിപ്പിച്ച പരിപാടിയില്‍ നൂറ്‌ കണക്കിന് പ്രവര്‍ത്തകരാണ് പങ്കെടുത്തത്. പരിപാടിക്ക് ശേഷം പിരിഞ്ഞ് പോകുന്നതിനിടെ കടുത്തുരുത്തിയിലെ എസ്എഫ്ഐ പ്രവര്‍ത്തകരും നാട്ടകം പോളിടെക്‌നിക്ക് കോളജിലെ എസ്എഫ്ഐ പ്രവര്‍ത്തകരും തമ്മില്‍ തര്‍ക്കമുണ്ടാവുകയും തുടര്‍ന്ന് സംഘര്‍ഷത്തില്‍ കലാശിക്കുകയുമായിരുന്നു.