കോട്ടയം:സുഹൃത്തിനെ കൊലപ്പെടുത്താൻ ശ്രമിച്ച കേസിൽ യുവാവ് അറസ്റ്റിൽ. ഏറ്റുമാനൂർ കിഴക്കുംഭാഗം കുരിശുമല ഭാഗത്ത് താമസിക്കുന്ന അരുൺ രാജിനെയാണ് (30) പൊലീസ് അറസ്റ്റ് ചെയ്‌തത്. കഴിഞ്ഞ ദിവസം ഇയാള്‍ സുഹൃത്തായ ബാബുവിനെ ആക്രമിച്ച് കൊലപ്പെടുത്താൻ ശ്രമിക്കുകയായിരുന്നു.
ഒരുമിച്ച് ജോലി ചെയ്‌തിരുന്ന അരുൺ രാജും ബാബുവും തമ്മിൽ പ്രശ്‌നങ്ങളുണ്ടായിരുന്നു. സംഭവ ദിവസം ഇവർ ജോലി ചെയ്യുന്ന സ്ഥലത്ത് നിന്ന് ലഭിച്ച മൊബൈൽ ഫോണിന്‍റെ പേരിൽ വാക്കു തർക്കമുണ്ടാകുകയും തുടർന്ന് അരുൺ രാജ് ഓട് ഉപയോഗിച്ച് ബാബുവിന്‍റെ തലയ്ക്ക് അടിക്കുകയുമായിരുന്നു.