കോട്ടയം: കനത്ത മഴയില്‍ തകർന്നടിഞ്ഞ ട്രാൻസ്ഫോമർ മാറ്റി സ്ഥാപിക്കണമെന്ന ആവശ്യം ശക്തമാകുന്നു. കോട്ടയം ഐമനം ഗ്രാമപഞ്ചായത്തിലെ പത്തൊമ്പതാം വാര്‍ഡില്‍ ആറ്റ് പുറമ്പോക്കില്‍ സ്ഥാപിച്ചിരുന്ന ട്രാന്‍സ്‌ഫോര്‍മറാണ് ശക്തമായ മഴയിലും കാറ്റിലും തകര്‍ന്നത്. ഒടിഞ്ഞ് വീണ ട്രാൻസ്ഫോര്‍മര്‍ സ്ഥലത്ത് നിന്നും മാറ്റി സ്ഥാപിക്കണമെന്ന ആവശ്യം പ്രദേശവാസികൾ മുന്നോട്ട് വച്ചിരുന്നു. ട്രാൻസ്ഫോര്‍മര്‍ ഒടിഞ്ഞുവീണതോടെ പ്രദേശത്തെ മുന്നൂറോളം വീടുകൾ ഇരുട്ടിലായി. നിലവിൽ മറ്റൊരു ട്രാൻസ്ഫോമറിൽ നിന്നും താൽക്കാലിക കണക്ഷൻ നൽകിയാണ് വൈദ്യുതബന്ധം പുനഃസ്ഥാപിച്ചിരിക്കുന്നത്.
കാറ്റിലും മഴയിലും തകര്‍ന്ന ട്രാൻസ്ഫോമർ മാറ്റി സ്ഥാപിക്കണമെന്ന ആവശ്യം ശക്തം