ജില്ലാ പഞ്ചായത്തിലെ അധികാര തര്‍ക്കം; പുതിയ ഉപാധിയുമായി ജോസ്‌ കെ മാണി വിഭാഗം

മാണി, ജോസഫ് ഗ്രൂപ്പുകളുടെ ലയന സമയത്തെ സീറ്റ് അനുപാതം അടുത്ത തെരഞ്ഞെടുപ്പിലും പാലിക്കണമെന്നാണ് ഉപാധി.

കോട്ടയം: ജില്ലാ പഞ്ചായത്തിലെ അധികാര കൈമാറ്റത്തില്‍ തർക്കപരിഹാരമായില്ല. തർക്കം പരിഹരിക്കാൻ പുതിയ ഉപാധി വച്ച് കേരള കോൺഗ്രസ് ജോസ് വിഭാഗം. മാണി, ജോസഫ് ഗ്രൂപ്പുകളുടെ ലയന സമയത്തെ സീറ്റ് അനുപാതം അടുത്ത തെരഞ്ഞെടുപ്പിലും പാലിക്കണമെന്നാണ് ഉപാധി. തദ്ദേശ, നിയമസഭാ തെരഞ്ഞെടുപ്പുകളിൽ ഇത് ബാധകമാക്കണം. ഈ ഉപാധി അംഗീകരിച്ചാൽ പ്രസിഡന്‍റ് സ്ഥാനം രാജിവയ്ക്കാമെന്നാണ് ജോസ് വിഭാഗത്തിന്‍റെ നിലപാട്. ഇന്ന് ഇരുകൂട്ടരും യുഡിഎഫ് നേതാക്കളുമായി നടത്തിയ ചർച്ചയിലാണ് ജോസ് വിഭാഗം പുതിയ നിർദ്ദേശം വച്ചത്. ജോസഫ് വിഭാഗം നാളെ ചങ്ങനാശേരിയിൽ ചേരുന്ന യോഗത്തിൽ ഇക്കാര്യത്തിൽ തീരുമാനമെടുക്കും.