കോട്ടയം :കോട്ടയം മെഡിക്കൽ കോളജ് ഗൈനക്കോളജി വിഭാഗത്തിൽ നിന്നും നവജാത ശിശുവിനെ തട്ടിക്കൊണ്ടുപോയ കേസിലെ പ്രതി നീതുവിന്‍റെ സുഹൃത്ത് ഇബ്രാഹിം ബാദുഷ (30) റിമാൻഡില്‍. ഏറ്റുമാനൂർ ഫസ്റ്റ് ക്ലാസ് മജിസ്ട്രേറ്റ് കോടതിയാണ് ഇയാളെ റിമാന്‍ഡ് ചെയ്തത്. നീതുവിനെയും കുട്ടിയെയും മർദിച്ചതിനും പണം തട്ടിയതിനുമാണ് ഇയാൾക്കെതിരെ കേസെടുത്തത്.
വഞ്ചനാകുറ്റവും ജുവനൈൽ ജസ്റ്റിസ് ആക്ടും ചുമത്തിയാണ് കേസ്. പണം ആവശ്യപ്പെട്ടപ്പോള്‍ നീതുവിനെയും പ്രായപൂർത്തിയാകാത്ത മകനെയും ഇയാൾ മർദ്ദിച്ചിരുന്നതായി വ്യക്തമായിരുന്നു. ഇതിന്‍റെ അടിസ്ഥാനത്തിലാണ് കേസ്.