കോട്ടയം/ഇടുക്കി: കൊവിഡ് 19 പ്രതിസന്ധിയിലായ കർഷകരുടെയും ഇടത്തരം തൊഴിലാളികളുടെയും പ്രശ്‌നങ്ങള്‍ ചൂണ്ടിക്കാട്ടി കോൺഗ്രസിന്‍റെ നേതൃത്വത്തില്‍ സംസ്ഥാന വ്യാപകമായി പഞ്ചായത്ത് ഓഫീസുകൾക്ക് മുന്നില്‍ സമരം നടത്തി. കൊവിഡ് പ്രതിസന്ധിയെ തുടര്‍ന്ന് ദുരിതത്തിലായ കര്‍ഷകരുടെ പ്രശ്‌നങ്ങളില്‍ കേന്ദ്ര സംസ്ഥാന സര്‍ക്കാരുകൾ പരിഹാരം കണ്ടെത്തണമെന്ന് ആവശ്യപ്പെട്ടാണ് സമരം നടന്നത്. സമരത്തിന്‍റെ പൂഞ്ഞാര്‍ ബ്ലോക്ക് തല ഉദ്ഘാടനം ഈരാറ്റുപേട്ട വില്ലേജ് ഓഫീസിന് മുന്നില്‍ ഈരാറ്റുപേട്ട മണ്ഡലം കമ്മിറ്റിയുടെ ആഭിമുഖ്യത്തില്‍ നടന്നു. കൊവിഡ് 19 നിബന്ധനകളുടെ അടിസ്ഥാനത്തില്‍ ശാരീരിക അകലം പാലിച്ചും മാസ്‌ക് ധരിച്ചും അഞ്ച് പേര്‍ മാത്രമാണ് സമരത്തില്‍ പങ്കെടുത്തത്.
കർഷകരുടെ ആവശ്യങ്ങൾക്കായി സര്‍ക്കാര്‍ ഓഫീസുകള്‍ക്ക് മുന്നില്‍ കോണ്‍ഗ്രസ് സമരം