കോട്ടയം:പാലാ ജനറല്‍ ആശുപത്രിക്കായി എം.പി.ഫണ്ടില്‍ നിന്നും അനുവദിച്ച 40 ലക്ഷം രൂപയുടെ പ്രവര്‍ത്തികള്‍ക്ക് ജില്ലാ കലക്ടര് ഭരണാനുമതി നല്‍കിയതായി ജോസ്.കെ.മാണി എം.പി. ഐ.സി.യൂണിറ്റ്, ജംമ്പോ ഓക്‌സിജന്‍ സിലിണ്ടറുകള്‍, ഇന്‍ഫ്രാറെഡ് തെര്‍മോ മീറ്ററുകള്‍, പേഴ്‌സണല്‍ പ്രൊട്ടക്ഷന്‍ ഉപകരണം, മാസ്‌കുകള്‍, ഗ്ലൗസുകള്‍, സാനിറ്റൈസര്‍ എന്നിവക്കായാണ് തുക അനുവദിച്ചത്.
ആധുനിക സംവിധാനങ്ങളോടുകൂടിയ ആറ് കിടക്കകളും പോര്‍ട്ടബിള്‍ വെന്‍റിലേറ്ററുമുള്ള ഐ.സി.യൂണിറ്റാകും പാലാ ആശുപത്രിക്കായി ലഭ്യമാവുക. മള്‍ട്ടി പരാമോണിറ്റര്‍, ക്രാഷ് കാര്‍ട്ട്, ഡെഫിബ്രിലേറ്റര്‍, സക്ഷന്‍ അപ്പാരറ്റസ്, ഇന്‍ഫ്യൂഷന്‍ പമ്പ്, സിറിഞ്ച് പമ്പ് എന്നിവ ഉള്‍പ്പെടെയാണിവ. ഓക്‌സിജന്‍ ഗ്യാസ് പൈപ്പ് ലൈനും സ്ഥാപിക്കും.