എറണാകുളം: തൃക്കാക്കരയിലെ ഇടതുസ്ഥാനാർഥിയെ ഇതുവരെ തീരുമാനിച്ചിട്ടില്ലെന്ന് മന്ത്രി പി രാജീവ്. സ്ഥാനാർഥിയെ കുറിച്ചുള്ള ആലോചനകള്‍ ആരംഭിക്കാന്‍ പോകുന്നതേയുള്ളൂവെന്നും തീരുമാനിച്ചുകഴിഞ്ഞാല്‍ ഔദ്യോഗികമായി പ്രഖ്യാപിക്കുമെന്നും അദ്ദേഹം പറഞ്ഞു. സ്ഥാനാർഥി പ്രഖ്യാപനം ഇന്ന് ഉണ്ടാകില്ലെന്നും മന്ത്രി വ്യക്തമാക്കി.
വിജയ സാധ്യതയുള്ള സ്ഥാനാർഥിയെ വൈകാതെ പ്രഖ്യാപിക്കും. പ്രഖ്യാപനവുമായി ബന്ധപ്പെട്ട നടപടിക്രമങ്ങളിലേക്ക് വരുന്നതേയുള്ളൂ. മണ്ഡലത്തില്‍ മികച്ച വിജയം നേടാൻ കഴിയുമെന്നാണ് പ്രതീക്ഷിക്കുന്നതെന്നും മന്ത്രി പറഞ്ഞു. ഇടതുമുന്നണി സ്ഥാനാർഥിയെ ഔദ്യോഗികമായി ഉടന്‍ പ്രഖാപിക്കുമെന്ന് എല്‍ഡിഎഫ് കൺവീനർ ഇ.പി ജയരാജനും വ്യക്തമാക്കിയിരുന്നു.
മന്ത്രി പി രാജീവ് മാധ്യമങ്ങളോട്